അനധികൃത മാര്‍ഗങ്ങളിലൂടെ നേടുന്ന പണം തിരിച്ചേല്‍പിക്കുന്നതിന്‌ സൗദി അറേബ്യയില്‍ ആരംഭിച്ച അക്കൗണ്ടില്‍ ഇതുവരെ 14.6 കോടി റിയാല്‍ (140 കോടി രൂപ) ലഭിച്ചു. മൂന്നു വര്‍ഷം മുമ്പാണ്‌ അബ്‌ദുല്ല രാജാവ്‌ ഇത്തരമൊരു അക്കൗണ്ട് തുറക്കാന്‍ നിര്‍ദേശം നല്‍കിയത്‌. രണ്ടര കോടി റിയാലാണ്‌ അക്കൗണ്ടില്‍ ലഭിച്ച ഏറ്റവും വലിയ തുക. ഒരു വ്യക്തിയാണ്‌ ഈ തുക അക്കൗണ്ടിലടച്ചത്‌.
അനര്‍ഹമായി നേടുന്ന തുക കൈമൈറുന്നതിനുള്ള അക്കൗണ്ട് തുറക്കുകയെന്ന ആശയത്തിനു പിന്നില്‍ ഈജിപ്‌തുകാരനാണെന്ന്‌ അക്കൗണ്ട് സെക്രട്ടറി മുഹമ്മദ്‌ വുഹൈബി പറഞ്ഞു. സൗദിയില്‍ ജോലി ചെയ്‌തിരുന്ന ഈജിപ്‌തുകാരന്‍ നാട്ടിലേക്ക്‌ മടങ്ങിയ ശേഷം അവിഹിത മാര്‍ഗത്തിലൂടെ നേടിയ തുക എങ്ങനെ തിരിച്ചുനല്‍കാമെന്ന്‌ അബ്‌ദുല്ല രാജാവിനോട്‌ അന്വേഷിക്കുകയായിരുന്നു. തുടര്‍ന്നാണ്‌ അക്കൗണ്ട് തുറക്കാന്‍ രാജാവ്‌ നിര്‍ദേശം നല്‍കിയത്‌. അക്കൗണ്ടില്‍ ആദ്യമായി പണം നിക്ഷേപിച്ചത്‌ രാജാവിനെ സമീപിച്ച ഈജിപ്‌തുകാരന്‍ തന്നെയായിരുന്നു. 5000 ഈജിപ്‌ഷ്യന്‍ പൗണ്ടാണ്‌ ഇയാള്‍ നിക്ഷേപിച്ചത്‌.
അക്കൗണ്ടില്‍ പണമടക്കുന്നവരെ ആരും ചോദ്യം ചെയ്യില്ല. വിവരങ്ങള്‍ രഹസ്യമായി സൂക്ഷിക്കും. കൈക്കൂലിയായും മറ്റും നേടിയ തുക സ്വദേശികള്‍ക്കും വിദേശികള്‍ക്കും അക്കൗണ്ടില്‍ അടയ്‌ക്കാം.
ഇങ്ങനെ ലഭിക്കുന്ന തുക പാവങ്ങള്‍ക്കാണ്‌ വിതരണം ചെയ്യുന്നത്‌. 2804 പേര്‍ക്കായി 5.6 കോടി റിയാല്‍ അക്കൗണ്ടില്‍നിന്ന്‌ വിതരണം ചെയ്‌തതായും സെക്രട്ടറി പറഞ്ഞു.
അനര്‍ഹമായി പണം കൈക്കലാക്കിയവര്‍ അത്‌ അക്കൗണ്ടില്‍ നിക്ഷേപിച്ച്‌ സ്വന്തം പാപമോചനം ഉറപ്പാക്കണമെന്ന്‌ ശൂറാ കൗണ്‍സില്‍ അംഗവും നീതിന്യായ മന്ത്രാലയത്തിലെ ഉപദേഷ്‌ടാവുമായ ശൈഖ്‌ അബ്‌ദുല്‍ മുഹ്‌സിന്‍ അല്‍ഉബൈകാന്‍ ആഹ്വാനം ചെയ്‌തു. അക്കൗണ്ടിന്‌ ജനങ്ങളില്‍നിന്ന്‌ ലഭിക്കുന്ന മികച്ച പ്രതികരണം സമൂഹത്തിലെ മതബോധത്തിന്‌ തെളിവാണെന്ന്‌ അദ്ദേഹം പറഞ്ഞു.
ഇതുപോലൊരു അക്കൗണ്ട് നമ്മുടെ ഇന്ത്യാ മഹാരാജ്യത്തും തുറക്കണം. അവസാനം മിനിമം ബാലന്‍സ് ഇല്ലാത്തതുകൊണ്ട് അക്കൗണ്ട് നിലനിര്‍ത്താന്‍ വേണ്ടി മന്‍‌മോഹന്‍ സാറ് അനധികൃതമാര്‍ഗ്ഗം വേറെ എന്തെങ്കിലും കണ്ടുപിടിക്കേണ്ടി വരും.
ReplyDeleteഈ വിവരം ലോകം അറിയുമോ
ReplyDeleteഇല്ലെങ്കില്‍ ഇത്‌ ബ്ലോഗിനപ്പുറത്ത് എഴുതണം
www.kosrakkolli.blogspot.com